கேப்டன் டைகர்

பஞ்ச் லைன் எதுவும் இல்லை ….

Category Archives: வகையில்லாதவை

ஆண் பாவம்

பாண்டியராஜனின் இயக்கத்தில் வெளிவந்த இரண்டாவது படம். வெளியான ஆண்டு: 1985. முதல் படம் ‘கன்னி ராசி’ (இயக்கம் மட்டும்). ஆண் பாவத்தில் இயக்கம், நடிப்பு என இரண்டையும் திறமையாக கையாண்டிருப்பார்.

ஒரு கிராமத்தில் இருக்கும் இரண்டு அண்ணன் தம்பிகள், அவர்களின் வாழ்கை நிகழ்வுகள். இது தான் ஆண் பாவம். v.k. ராமசாமி – ஜனகராஜ், பாண்டியன் – பாண்டியராஜன், இவர்கள் தான் முறையே அண்ணன் தம்பிகள். வழக்கம் போல் காதலும் உண்டு. படத்தில் மொத்தம் நாலே பாடல்கள் தான். நான்கும் நல்ல பாடல்கள் (அதில் ஒன்று டைட்டில் பாடல்). பாடல்கள், பிண்ணனி இசை அனைத்திலும் இளையராஜா தனது அசாத்திய திறமையை வெளிப்படுத்தி இருப்பார். குறிப்பாக பாண்டியன் – சீதா காதல் காட்சிகளில் பிண்ணனி இசை அருமையாக இருக்கும். படத்தில் ஒளிப்பதிவு மிகவும் நன்றாக இருக்கும், ஒளிப்பதிவாளர்: அசோக் குமார். பாண்டியன் – சீதா சம்பந்தப்பட்ட காட்சிகளில் சில ‘திற்பரப்பு’ அருவியின் மேல்பகுதியில் படமாக்கியிருப்பார்கள்.(காலேஜ் டூர் போன போது பாண்டியராஜன் திட்டில் அமர்ந்து சிகரட் பிடிக்கும் இடத்தில், நானும் அமர்ந்து (போட்டோ) பிடித்தேன்).

சீதாவுக்கு இது தான் முதல் படம். முட்டைக் கண்களுடன் பார்க்க லட்சணமாக இருப்பார். தனக்கு கொடுக்கப்பட்ட பணியை சிறப்பாக செய்து இருப்பார். முதல் படம் போன்று தெரியாது. ரேவதி, மிகவும் அழகாக இருப்பார் இந்தப் படத்தில். ஆண் பாவத்தில் நடிக்கும் போது அவர் பிரபல நடிகை, ஆனாலும் எந்த பந்தாவும் இல்லாமல், வளர்ந்து வரும் நடிகர்களுடன் நடித்து இருப்பார். ஏறக்குறைய அண்டர்ப் ப்ளே தான்.

சின்ன சின்ன காட்சிகளை மட்டுமே பயன்படுத்தி படம் பார்ப்பவர்களுக்கு ஆழமாகக் கதை சொல்லி இருப்பார் பாண்டியராஜன். பாண்டியன் பெண் பார்க்கும் போது, பொண்ணு உயரம் கம்மியாக இருக்கும் என்று சந்தேகிக்கும் இடம் இதற்க்கு உதராணம். மற்றொரு உதாரணம் டிரான்சிஸ்டர் ரிப்பேர் பார்க்கும் இடம். முதல் முறையாக இந்தப் படத்தை பார்க்கும் போது கிளைமாக்ஸ் காட்சியைப் பார்த்து அதிர்ந்து விட்டேன். முதல் முறை இந்தப் படம் பார்பவர்களுக்கு இது புரியும். தான் பாக்கியராஜின் சீடர் என்பதை படத்தின் ஆரம்பத்திலயே இரண்டு காட்சிகளில் வெளிப்படுத்தி இருப்பார் பாண்டியராஜன். படத்தின் ஆரம்பத்தில் வரும் ‘கமலம்’ என்னும் பெண் அழகாக இருப்பார். அந்தக் கமலம் சீக்வென்சும், படம் ஆரம்பத்தில் வரும் பால் ஜோக்கும் அக்மார்க் பாக்கியராஜ் காமெடி (சீ…வகையரா).

பாண்டியன் – சீதா டூயட் பாடல் சூப்ப்ப்ப்பர். உரையாடல் போன்று இருக்கும் இந்தப் பாடல். அகில உலகப் பிரபலமான காமடி “முட்டல வாங்க, முட்டல வாங்க, முட்டீருச்சுங்க” இந்தப் படத்தில் தான். பாசமான அண்ணன் தம்பிகளாக பாண்டியன் – பாண்டியராஜன் நடிப்பு, இந்தப் படம் சூப்பர் ஹிட் ஆனதற்க்கு சான்று. அண்ணன் – தம்பி பாசத்தைக் காட்ட ஒரு சண்டைக் காட்சியும் உண்டு. அதே போல் v.k.ராமசாமி – ஜனகராஜ் இருவரும் அண்ணன் தம்பி என்பதும் சொத்து பிரித்து இருப்பதையும் ரொம்ப விலா வரியாகக் காட்டாமல் வசனங்களிலும், இருவரின் நடிப்பிலும் நமக்கு உணர்த்தி இருப்பார் டைரக்டர். சொத்துப் பிரித்தாலும் இருவருக்குள்ளும் அண்ணன் தம்பி பாசம் விட்டுப் போகாமல் இருப்பதையும் வசன அமைப்பிலயே உணர்த்தி இருப்பார் பாண்டியராஜன். கொஞ்சம் உற்றுப் பார்த்தால் (கேட்டால்) இது புரியும்.

இந்தக் காலத்தில் 40 வயதைக் கடந்த நடிகர்கள் ரமேஷ் கண்ணா, நெல்லை சிவா, பாக்கியராஜ் போன்றே தோற்றத்தில் இருக்கும் நடிகர் ஒருவர் (பெயர் தெரியவில்லை) ஆகியோர் இந்தப் படத்தில் நடித்திருப்பார்கள். பூர்ணம் விஸ்வனாதன் வழக்கம் போல இழுத்து இழ்த்து பேசி கொஞ்சூண்டு ஒவர்-ஆக்டிங்க் செய்து இருப்பார். v.k.ராமசாமியின் பேச்சு அனைவரையும் சிரிக்க வைக்கும். அவரின் டிரேட்மார்க் ‘மூதேவி’ யும் இந்தப் படத்தில் உண்டு. குபீர் சிரிப்பை வரவழைக்கும் இடங்கள் நிறைய உண்டு இத்திரைப்படத்தில். இந்தப் படத்தில் இன்னொறு பிளஸ் யாரும் நடித்திருக்க மாட்டார்கள்.

ஜனகராஜ், கொல்லங்குடி கருப்பாயி, மீசை முருகேஷ், அவரின் மனைவியாக நடித்தவர், தவக்களை அனைவரும் தங்கள் பணியை சிறப்பாக செய்து இருப்பார்கள்.

ஒலகப் படம் பார்ப்பவர்கள் இந்தப் படதையும் சிறந்த உலகப் பட வரிசையில் தாரளமாக சேர்த்துக் கொள்ளளாம். தமிழிலேயே சிறந்த உலகத் தரம் வாய்ந்த படங்கள் இருக்கின்றன.

ஆண் பாவம் : ஒரு பீல் குட் படம்.

கொசுறு::

1. இந்தப் படத்தை ரீமேக் செய்தால் என்னுடைய சாய்ஸ் நடிகர்கள்: சூர்யா (பாண்டியன்), தனுஷ் (பாண்டியராஜன்). ஆனாலும் ஒரிஜினல் படத்தைப் போன்று வருமா என்பது சந்தேகம் தான்.

2. சமீபத்தில் தான் ஆண் பாவம் வெளிவந்து 25 வருடம் ஆனதைக் கொண்டாடினார்கள் (திசம்பர் – 2010 என்று நினைக்கிறேன்).

Advertisements

கிகுஜிரோ பிண்ணனி இசை …

கிகுஜிரோ படத்தின் பிண்ணனி இசையை பதிவிறக்கம் செய்ய, இந்த வெப் சைட் செல்லவும் (http://downloads.khinsider.com/game-soundtracks/album/kikujiro-no-natsu). பின்பு படத்தில் காட்டியிருப்பதை போன்று பேஜ் இருப்பதை பார்க்கலாம்.

கீழே இருக்கும் படம்-1 சரியாகத் தெரியவில்லை என்று நினைக்கும் வயதானவர்கள், படத்தைக் க்ளிக்கிப் பெரிதுபடுத்திப் பார்க்கவும்.

எப்படி டௌன் லோடு செய்வது என்பதை இங்கு விளக்கி (???) உள்ளேன்.

மௌசை பாடல்கள் லிஸ்ட் மேல் வைத்து கிளிக் செய்யவும். கிளிக்கியவுடன் வேறு தளத்திற்கு செல்வீர்கள். அங்கு பாடலை டௌன் லோடு செய்ய இரண்டு ஆப்சன் இருக்கும் –> Download to Phone | Download to Computer.

இரண்டாவது ஆப்சனில் (Download to Computer) ரைட் கிளிக் செய்து, “save link as” என்ற ஆப்சனை கிளிக் செய்து உங்கள் கணிப்பொறியில் பதிவிறக்கம் செய்து கொள்ளவும்.

பார்க்க படம்-2 கீழே …

கொசுறு::

பிண்ணனி இசையினைக் கேட்க்க உகந்த நேரமாக அமைதியான ஒரு இரவுப் பொழுதையோ அல்லது அமைதியான அதிகாலை நேரத்தையோ தேர்ந்தெடுக்கத் தேவையில்லை.

எந்த நேரத்திலும் கேட்டு இன்புறலாம் ….

—– ஜெய் “ஜோ ஹிஷாய்ஷி” —–

கிகுஜிரோ….

இது விமர்சனம் அல்ல … நான் ரசித்ததை இங்கு பதிந்து இருக்கிறேன்…

நந்தலாலா = கிகுஜிரோ என்று பேச்சுகள் எழ ஆரம்பித்ததால் கிகுஜிரோ பார்க்க நேர்ந்தது. கிகுஜிரோவும் நல்ல பீல் குட் பிலிம் தான். ஆனால் வேறு ஜெனெரியில் பயணம் ஆகும் படம். கிகுஜிரோ, தாயைத் தேடி செல்லும் ஒரு சிறுவனும் அவனுடன் பயணிக்கும் ‘மிஸ்டரைப்’ பற்றிய படம். பின்னணி இசை அற்ப்புதமாக இருக்கும். கண்டிப்பாக அனைவரும் பின்னணி இசைக்காக இந்தப்படத்தை பார்க்க வேண்டும். இந்தப்பயணத்தில் அவர்கள் சந்திக்கும் நபர்கள் அனைவரும் ‘மிஸ்டருடன்’ சேர்ந்து அந்தப்பைய்யனை சந்தோஷமாக பார்த்துக்கொள்கிறார்கள். இது தான் கிகுஜிரோ படம்.

ஏன் ‘மிஸ்டர்’ சிறுவனை குஷிப்படுத்துகிறார் என்பதை நீங்கள் படம் பார்த்து தெரிந்து கொள்ளுங்கள். என்னைப் பொறுத்தவரை கிகுஜிரோ கண்டிப்பாக பார்க்க வேண்டிய படம். குறிப்பாக இந்தப் படத்தில் சிறுவனின் ஈடுபாட்டைப் பார்த்து பிரமித்து போய் விட்டேன். “நடிப்பு” என்று சொன்னால் அது அந்த நடிகர்களை அசிங்கப்படுத்துவதாக போய் விடும். நிச்சயமாக நடிகர்கள் தெரியவே மாட்டர்கள் கிகுஜிரோ படத்தில்.

எப்போது ‘மிஸ்டரின்’ பெயர் படம் பார்ப்பவர்களுக்கு தெரிய வரும் என்பதையும் படம் பார்த்து தெரிந்து கொள்ளுங்கள்.

அப்புறமாக பின்னணி இசை… இந்தப் படத்தைப் பார்த்தவுடன் “ஜோ ஹிஷாய்ஷி” (இசைஅமைப்பாளர்) யின் தீவிர காற்றாடி (fan) ஆகி விட்டேன். பின்னணி இசை அவ்வளவு அற்ப்புதமாக இருக்கும். நந்தலாலாவின் இசையை கேட்டால் ஒரு மெல்லிய சோகத்துடனும், மனதை லேசாக்குவதாகவும், அதே வேளையில் நம்மை நெகிழ்ச்சி அடைய வைப்பதாகவும் இருக்கும். சில இடங்களில் கண்ணீரை வரவழைப்பதாகவும் இருக்கும். ஆனால் கிகுஜிரோ இசை ஒரு மென்சோகத்துடன் ஆரம்பித்து மனதை குஷிப்படுத்துவது போல் இருக்கும். ஆங்கிலத்தில் சொல்லப்போனால் ‘refreshing’ ஆக இருக்கும்.

இந்தப் படத்தின் இசையும் நம்மை நெகிழச் செய்யும். கிகுஜிரோ என்னும் டைட்டில் போடும் இடத்தில் வரும் இசை கண்டிப்பாக அனைவருக்கும் பிடிக்கும். அந்த சிறுவனின் மனநிலையை பிரதிபலிப்பது போல் இருக்கும். தற்சமயம் கிகுஜிரோ படத்தின் இசையைத் தரவிறக்கி என்னுடைய ஐ-பாட், கணினி, 28 எம்.பி மெமரி கைபேசி, இவற்றில் பதிந்து கேட்டுக் கொண்டு இருக்கிறேன்.

இசையைப் பற்றி சொல்ல வேண்டியது நிறய இருக்கிறது, ஆனால் வார்த்தைகள் மிகவும் கொஞ்சமாக இருக்கும் காரணத்தால் நீங்களே இசையை உணர்ந்து அனுபவித்துக் கொள்ளுங்கள்.

கிகுஜிரோ படம் பார்த்தவுடன் ஒரு விஷயம் புரிந்தது, நிச்சயம் இந்த உலகத்தில் எந்த ஒரு பிரதி பலனையும் எதிர் பார்க்காமல் மற்றவரை சந்தோஷமாக பார்த்துக் கொள்வதர்க்கு நிறய “மனிதர்கள்” இருக்கிறார்கள். படம் பார்த்தபின் அந்தத் தாக்கம் நமக்குள் நிச்சயம் இருக்கும். அந்த சிறுவன் சந்தோஷமடைவதைப் பார்க்கும் போது, நாமும் சந்தோஷமடைவோம். மற்றபடி படம் மெதுவாகத்தான் செல்லும்.

நண்பர்களே, இந்தப் படத்தைக் கண்டிப்பாகப் பாருங்கள்.

கொசுறு::

படத்தின் தரவிறக்கச் சுட்டி,

http://fenopy.com/torrent/kikujiro+no+natsu+1999+480p+h264+req+/NjE3ODI3OQ

இசையை அனுபவிக்க வேண்டும் என்றால், கூகிளில் “kikujiro music free download” என்று தேடுங்கள். முதல் மூன்று அல்லது நான்காவது ‘வெப் சைட்டிலே’ உங்களுக்கு கிடைக்கும்.

—– ஜெய் “ஜோ ஹிஷாய்ஷி” —–